地址:Oosterdokskade 143 ,1011 DL Amsterdam Website: https://www.oba.nl/ 開放時間:Mon - Fri 08:00 - 22:00 Sat & Sun 10:00 - 22:00 呢間位於阿姆斯特丹中央車站附近嘅公共圖書館,雖然同一般圖書館分別不大,同樣係按唔同類別分開唔同區域,不過館內空間極大,內裡設計簡約得嚟又好有藝術感,而兒童圖書室,就好似一個兒童樂園,同小朋友喺度睇書可以舒舒服服睇足一日,而佢嘅報紙雜誌室,亦可以搵到世界各地嘅雜誌,連香港雜誌都有! 不過成間圖書館嘅highlight,就一定係頂樓嗰間Café,可以欣賞到有180度阿姆斯特丹嘅無敵河景,可以畀入場人士,對住超級靚景,飲住咖啡睇書,歎足一日!而且圖書館仲係開到晚上10點,如果阿姆斯特丹夜生活嘅Party同Clubbing唔啱你,呢個地方會係靜DD、文青DD享受夜生活嘅好地方,加上佢距離中央車站只係大約5分鐘步行路程,非常方便,絕對值得推介!不過溫馨提示下,因為好多人去圖書館都係希望靜靜地睇書,所以就算去,都要保持安靜,唔好騷擾到人呀!