地址:Nes 116, 1012 KE Amsterdam Website: https://www.privatemansions.org/ 呢幢位於阿姆斯特丹市中心橫街,外觀極之低調嘅Private Mansion,佢原身係雪茄廠,而家變成一幢專門畀人包場豪玩豪住嘅神秘豪宅。 呢幢豪宅,有DJ Booth、Party Room、豪華飯廳、私人髮型屋、浴池、雪茄房、睡房等等,全部可以任由客人用佢哋最瘋狂嘅想像力,Order改裝成點樣,總之,你講得出,佢哋會盡力搞得到!而聽講呢幢豪宅,亦有唔少國際級名人,包場搞過私人Party! 至於價錢方面,負責人就話:「包得起呢幢神秘豪宅嘅客人,通常唔會問價錢架!」