其實風車村，就係位於Zaandam呢個城市，去開風車村嘅朋友，真係不妨順道都嚟一嚟埋Zaandam嘅市中心睇一睇，佢就係喺正Zaandam嘅鐵路站，一出站就到。 呢度絕對係一流打卡點，沿住小運河嘅五顏六色小屋，加埋呢度嗰間設計有趣嘅酒店，如果遇著天氣好，真係會影相影到停唔到！而呢度雖然除咗打卡就只有一般嘅百貨公司同食肆，不過，如果你喜歡買杯咖啡，坐喺河邊Hea吓，呢度亦都係一個相當好嘅選擇。