故名伶新馬師曾(鄧永祥)遺孀洪金梅剛剛驚傳今日離世,終年73歲,有傳媒向祥嫂好友陳慎芝求證,結果佢證實咗不幸消息,陳慎芝向傳媒表示祥嫂似係肺癌而病逝。 其實近月嚟祥嫂低調入院,而佢嘅仔鄧兆尊都有被拍到去醫院探望,不過佢當時表示祥嫂只係老人病冇咩大礙。 人稱祥嫂嘅洪金梅係香港改故粵劇名伶新馬師曾嘅第四任妻子,佢哋喺65年開始同居,之後祥嫂先後生咗兆尊、兆榮、翠玉(小艾)及碧玉四個仔女,而祥嫂與新馬師曾終於喺92年正式成婚。新馬師曾逝世後,祥嫂同四名子女喺97年因遺產分配搞到對簿公堂,最終祥嫂喺06年被判敗訴,不過同年祥嫂喺61歲壽宴上,聲稱同仔女已經正式和解。