「落花滿天蔽月光」，耳熟能詳嘅詞曲，相信亦都係好多後生仔對粵劇唯一嘅認識。今次我地請咗九十後女生梁非帶一班後生仔更深入認識粵劇！梁非由小學時已被粵劇吸引，之後決心學藝，現今以粵劇演員為職業。梁非為我哋現場試範子喉、平喉與嘆板唱腔，盡顯功架！後生仔乘機偷師，Sandy學踢腿功，Enson 欣茵學耍花槍，唔知師傅覺得佢地資質如何呢？

波波Sandy 今次又有新任務 ！今次要用雪櫃內嘅食材創作菜式，但雪櫃淨係得呢樣嘢？！波波用「特製秘方」炮製食材，話今次對自己超有信心，最後味道究竟係點？

聽日就中秋節，大家係咪瘋狂咁食緊屋企嘅月餅呢？ 如果唔夠喉，一於等波波同Sandy 教你整冰皮月餅，至於食唔食得就⋯⋯

咩話？！全日文食譜？波波Sandy兩個入廚新手今次淨係得日文食譜，要挑戰呢道神秘菜式，究竟佢哋最後煮咗咩出嚟？

繼上次好似賽馬直擊一樣咁煮餸，波波同Sandy又有新挑戰！今次要⋯⋯成程拖住手煮？兩個人要合力整「忌廉牛油果芝士卷」！ 波波即場食到嘔，但仍然堅稱自己煮得好味⋯⋯ 

平時多見資深演員陳勉良喺幕前演出，估唔到佢畫畫同書法都一樣咁厲害 ！今集後生仔就向佢請教畫畫同書法嘅心得！6號記起細個用毛筆做書法功課超痛苦，盈盈就話己鍾意寫書法，因為可以提升氣質？陳勉良先生仲即席示範，向後生仔傳授畫畫同書法技巧！咦，佢哋又寫得似模似樣喎，GM同Sandy仲俾老師讚添！    

小老師大知識！Danny 平日對攝影有興趣就大家都知， 今次佢就同大家講吓運動攝影要注影意嘅地方！利用慢快門同連拍就可以達致特別嘅效果，大家多啲運用Danny教嘅技巧就可以拍出靚相，真係超實用啊！！

波波の不專業廚房又返嚟喇！今次睇吓波波點樣帶住新請嘅助手Sandy一齊拆咗個廚房，啊唔係，係30分鐘內挑戰一道簡單家常菜「孜然肉碎燒茄子」！ 佢地最後竟然煮咗兩個版本，究竟發生咩事？

好多女仔為咗襯衫，有時都會著Nude bra，但由於冇肩帶嘅關係，著嘅時候超冇安全感！波波分享自己去畢業晚宴時為咗著tube dress要戴nude bra，差少少就出事！！究竟女仔谷胸有幾辛苦，等Kelvin親身體驗完再話大家知！

Danny 今集做小老師，教大家攝影基本功！三分法則係拍攝時經常被使用，只要學識當中嘅原理，大家都可以輕易拍出讓人意嘅作品，大家快啲跟Danny 學嘢喇！

今集阿Fred 就教大家點出Cheat，冇錯，就係教大家Cheating 嘅技巧！嗱嗱嗱，唔好諗錯隔離，呢個係一個簡單到爆又有Gimmick嘅「cheat meal」教學！點樣Cheat？就係摷吓屋企啲零食，同埋個個後生仔女雪櫃裡面基本上都會搵到嘅嘢食，將佢哋撈埋一齊，就可以呃吓女仔，以為你煮到一個高難度嘅日式蛋卷！呢個蛋卷，阿Fred建議個個男生都最好學吓，因為可能係氹女仔嘅極品菜式嚟架！

再強調一次：各位男生，如果你天生有樣/有身材/有樓有車有錢/係富二代，可能乜都唔駛做都可以冧爆女仔，但如果先天不足，就要好似阿Fred咁大大力咁掙扎吓，俾多十萬倍努力，學多幾門手藝至氹到女仔，而其中一樣較為煞食嘅手藝，就係煮嘢食！今次阿Fred再開班，教大家煮一個超易上手嘅「Fred仔日式四色便當」！呢個便當，煮法方便又簡單，好容易就可以令你變身做個暖男，為你另一半（或心儀女生）做個窩心嘅便當，等佢帶飯嘅時候可以曬命…呀唔係，係可以帶住你嘅愛心便當感受其他人羨慕嘅目光！留住女仔個胃先留到佢個心架嘛，各位男生，不妨跟阿Fred 學煮呢個便當啦～

【頭盔聲明】呢個〈煮嘢食溝女經〉系列，係呀，係想畀少少貼士各位男生用煮食氹女生。可能有人一望到係由後生仔阿Fred主持，好似說服力接近零…但係，請各位諗清楚先，如果主持係靚仔到周柏豪咁樣，或者身型Fit到包唔住六舊腹肌，其實煮乜都已經唔重要，女生都自然都冧爆啦；又如果搵個個樣唔係特別標青，但係有樓有車有錢到爆嘅男生，佢識唔識煮亦變得唔重要；所以，我地特登搵一個冇乜錢冇乜身材而個樣亦都Er…（見人見智啦）…但都曾經成功追到女仔嘅阿Fred主持，以佢個Package，都好大機會係需要靠煮嘢食先至加到分！所以，經過理性分析後，我地決定搵佢打頭炮主持呢個系列！ 戴完頭盔，就要正式介紹下呢個系列：呢期疫情嚴竣，大家當然要做好防疫措施，少D出街，多D留在家。於是乎，同心儀女生都多個藉口響屋企玩煮飯仔！但係煮乜可以又簡單，又可以唔覺意擺D小心機令女生對你有多少少好感？仲有仲有，煮飯仔唔好剩係掛住碟食物，其實仲有其他嘢要留意，隨時可以令你再加多D分！不如畀少少時間阿Fred，聽聽佢點樣藉住煮「蕃茄漁港鮮蝦意粉」，教埋各位男生氹女仔！

「三索」、「二筒」、「白板」，愛打麻雀嘅你又知唔知佢地係廣東話嘅意思係咩？今集我地就搵嚟Ben Sir 同我地邊傾麻雀邊學廣東話！另外，祖儀又分享自己第一次打牌就自摸十三么，跟住成年都過得好順！大家如果想測試下果年嘅運氣，不如學吓祖儀咁打牌試吓手氣～

一字馬好難做？今集由Sharlene 教大家做一字馬！Sandy望落做得好輕鬆，但子碩就⋯⋯

今集小老師大知識我地就搵咗子碩教大家簡單而且超實用嘅台語，務求等大家去旅行可以用得著～

學英文嘅方法有好多種，而Uncle Siu 話其中一種最好嘅方法就係背？究竟點解？不如等Uncle Siu 話你知啦！同場加映盈盈示範美式口音，好funny 呀～

Vincent 今次教大家眼影顏色嘅名稱，學識晒D專業名詞，同化妝師溝通就更加輕鬆啦！

又嚟到化妝教英文嘅時間，今次Vincent就會示範何謂Velvet Finish ! 絲感幼滑嘅妝容，原來一d都唔複雜，想學識個中竅門，快D跟住Vincent 嘅示範試下啦！

化妝都可以學英文？冇錯，Vincent化身美妝達人，教大家邊化妝邊學英文！由底妝到定妝，Vincent都教得好仔細！ 學識英文化妝單詞，想化靚妝冇難道啦～